Accolta
Accolta Storia di u muvimentu Organizazione Cuntatti Adesione/Daziu Ligame
Accolta Attualità Apputamentu Elezzione Interviste Multimedia A Francia Fora Pulitica Ripressione Terra Corsa Culunisazione Lingua è Cultura Ecunumia è Suciale Internaziunale In memoria E Ghjurnate



13/11/2005

Per un Ripublica dimucratica, pluralista è aparta



U scopu primu di Corsica Nazione Indipendente hè di purtà a Corsica à a supranità sana. U populu corsu si deve d’esse maestru lighjitimu di sè stessu. In Dirittu internaziunale si chjama issu fattu, l’indipendenza pulitica.

A riconquista di a libertà di u populu corsu, cumunità di distinu storica cù i Corsi d’origine è quelli ghjunti, si scrive ind’è l’ideale ripublicanu.

Erede di u pinsà è di u fà di Pasquale de’Paoli è di i Naziunali nanz’à ellu, Corsica Nazione Indipendente s’impiccerà ogni ghjornu per sbuccà à una

Ripublica dimucratica, pluralista è aparta

chì ricunnosce à ugnunu ind’è un quadru laicu u dirittu di parlà, di fà in libertà ind’u rispettu, ben intesu, di u bè cumunu.

A Corsica ùn pò esse fatta d’omi libari s’ella ùn hè libara ella stessa è micca sottumessa à un sistema di duminiu culuniale.

Annant’à a nostra tarra, u culunialisimu hè cambiatu fin’à piglià e mascare di u regiunalisimu è di a falza indentità. Iss’avvicinà mudernu di dipidenza ùn ci pò sudisfà.

À mezu à u populu corsu, divemu guarantisce noi.

una Corsica libara à partasi di i principii fundamentali di u nostru prugettu di sucietà.

· Hè da u populu interu ch’ellu sorge u putere lighjitimu.

· L’Unità naziunale si deve pone annant’à un prugettu puliticu è murale. A lingua corsa ghjè a sola lingua di a nazione corsa.

· A Ripublica corsa si deve dà istituzione specifiche permanente è chì duranu ind’è u quadru di l’Unione Aurupeana.

· A Ripublica corsa, impastata di prugressu è dimucrazia guarantisce una ghjustizia suciale vera è un sparte à parità di a ricchezza naziunale.

· Ogni corsu deve ghjunghje à l’impieghi è à e rispunsabilità ciò chì sottupone l’ugualità in dirittu è a ricunniscenza di e cumpetenze.

U nostru muvimentu porghje a so sulidarità à tutti l’altri populi è in particulare à quelli di e nazione senza Statu.

Ùn hè più l’ora di u solu sintimu naziunale, ma quella di a cuscenza naziunale è di u stabilimentu di una RIPUBLICA CORSA, libara, chì permittarà à a nostra cumunità d’esse in fine se stessa.





 

© Corsica Nazione Indipendente — 2008